NLA Spiel #7

Am letzte Dunnstig hets letzte Heimspiel us de Hiirundi statt gfunde. Gspielt hämm mer gege Lausanne.

Agfange het de Andi uf Position 2 gege de David Wardle. Am Anfang isch es im nöd glofe, aber am Schluss chan er denn doch no guets Squash zeige und gwünnt am Schluss 3:1.
Glichtzitig spielt de Mika uf Position 4 gege de Jérémy Suchet sis erste Nla Spiel vo de Saison. Er het e paar gueti Pünkt chönne usespiele aber es langet im nöd das konsequent durezieh und verlürt am Schluss 0:3.
De Sven spielt uf Position 1 gege de Tarek Shehata. Es isch en sehr spannend Match wo au in 5 Satz gange isch. Am Schluss isch Glück nöd ganz uf em Sven sinere Site und er verlürt knapp im letzte Satz mit 9:11.
S letschte Spiel vom Abig het de Silvan uf Position 3 gege de Steven Fialeix gah. Er zeigt en guete erst Satz. Jedoch chan er mit em höche Tempo nöd bis zum Schluss mithalte und verlürt 0:3.

Es grosses Dank vom Team gat ad Heimfans wo Zahlrich erschiene sind.

Am 18.1.2024 fangt Rückrundi a. Euses erste Spiel hämm mer gege Pilatus Kriens.