NLA Spiel #3 Sihltal - Panthers

Am vergangene Dunnstig het s zweite Heimspiel vom NLA-Team stattgfunde. Trotz erneut vielne Fans ischs am Team nöd glunge er Überraschig z erspiele.
Gad 3 vom Team sind momentan a internationel Turnier, mir wünsched ihne wiiterhin viel Erfolg!

Agfange het de Andi miteme starche Match. S Niveau isch höch unds Tempo schnell gsi, sogar en Sprung uf de Ball het nöd gfehlt! Er gwünnt nach knappem Startsatz sini Partie mit 3:0 abklärt.
Glichzitig spielt de Mark uf Position 3. Geg en starche Gegner channer mit sim fiine Händli immer wieder Punkte. Am Schluss is den doch klar i de Sätz, trotzdem eh tolli Leistig als underdog.
Au el Presidente uf Position 4 zeigt tolls Squash, nach über 5 Jahr fiirt er sini Rückkehr id Nati A. D Sätz sind umkämpft und es fehlt nöd viel. Am Schluss langts ihm leider nöd en Satz z gwünne, er verlürt 0:3.
Die letscht Begegnig vom Abig spielt de Iain. Au bi sinere Partie isch d Rolle vom underdog ghe, trotzdem zeigt er eh motivierti Leistig. Es glingt ihm aber nöd bis as Endi vo de Sätz debi z blibe, d Routine vom Gegner isch z höch.

Es grosses Dank vom Team gad wieder ad Heimfans, wo Zahlrich erschiene sind! Es spielt sich immer besser mit Unterstützig us em Publikum.

Kommendi Wuche staht scho s nächst Spiel a. S Team spielt uswärts gege Uster.